Novas 2022
COMPETICION
12 Ago 2022
É a vez para as Bandeiras de Ondarroa e CaixaBank
Ondarroa e Castro Urdiales serán os escenarios das dúas xornadas desta fin de semana das Liga Eusko Label e Liga Euskotren. Por primeira vez nesta tempada, e da man do patrocinador CaixaBank, ambas competicións vogarán en augas de Cantabria.
No sábado será a vez para Ondarroa, un encontro habitual nos últimos anos na Liga Eusko Label. A IV Ondarroako Bandera – Cikautxo SN da Liga Euskotren dará comezo á xornada do sábado ás 17:40 horas, mentres que ás 18:13 horas será a quenda da XXXVIII. Ondarroako Bandera – Cikautxo SN, coas traiñeiras divididas segundo a clasificación xeral.
No domingo, en augas de Castro-Urdiales, desputarase a VII Bandeira CaixaBank da Liga Euskotren e a X. Bandeira CaixaBank da Liga Eusko Label. Neste último caso, as quendas serán segundo a clasificación da xornada anterior en Ondarroa.
FAN ZONE
Esta fin de semana tamén haberá unha dobre ocasión para gozar da Fan Zone da Liga Eusko Label e Liga Euskotren. No caso do sábado, en Ondarroa, o espazo dos afeccionados situarase na praza Itxasaurre, perto da entrada do porto, mentres que o domingo, estará a carón do peirao Don Luis, ao pé do campo de regatas.
En ambos casos, os afeccionados poderán gozar de diferentes espazos dentro da Fan Zone. Por unha banda, pódese degustar o Bonito Eusko Label á grella, e a cervexa oficial da competición, Keler. Tamén se pode seguir a regata en directo na pantalla xigante, ou participar no Tour Coroa CaixaBank, e optar a gañar diferentes premios.