Novas 2018
ESPECIAL
28 Xu˜ 2018
Zierbena, primeiro encontro co mar
Esta mañá tivo lugar a presentación da XXXV Bandeira Petronor que se desputará domingo en Zierbena
Fin de semana movido para as traiñeiras. Logo da XVII Bandeira de Sestao no sábado, desputarase a XXXV Bandeira Petronor domingo ás 11:45 horas en Zierbena. Ademais de ser a terceira xornada de competición desta Eusko Label Liga, tamén será un encontro chave para a Liga Euskotren xa que se desputará a segunda xornada do playoff de acceso á elite do remo feminino onde se porá en xogo a III Bandeira Petronor e servirá para pór en claro que catro traiñeras competirán na renovada Liga Euskotren. Entre as traiñeiras que optarán a estaren na elite do remo, atópanse A Pobra – Cabo, Deusto Tecuni Bilbao, Gu Arraun, Donostiarra, Hernani Iparragirre Sagardotegia, Hibaika Jamones Ancin, Hondarribia Bertako Igogailuak, Kaiku Producha, Lea Artibai Cikautxo, Orio Babyauto, Tolosaldea e San Juan Iberdrola.
Esta xornada de remo comezará coa proba feminina ás 11.45 horas, e así que remate, os doce clubs da Eusko Label Liga competirán á procura da XXXV Bandeira Petronor. A orde de saída da categoría masculina estabelecerase tendo en conta as posicións obtidas na véspera na XVII Bandeira Concello de Sestao. Xa na categoría feminina, a orde de saída levarase a cabo tamén en función do resultado do día anterior na Bandeira Concello de Sestao. No total, a localidade 'galipo' recibirá este fin de semana un total de 24 embarcacións do máis alto nivel.
Esta mañá desenvolveuse a presentación da XXXV Bandeira Petronor e da III Bandeira Petronor nas instalacións do club de Zierbena, onde estiveron presentes José Luis Herrerías, presidente de Zierbena Bahías de Bizkaia; Gualber Atxura, responsábel de relacións institucionais de Petronor; e Iñigo Ortuzar, alcalde de Zierbena.