COMPETICION

17 Ago 2024

Vitoria de Bermeo Urdaibai na primeira xornada da Zarauzko XLVII. Ikurriña

Foi unha regata moi igualada e o primeiro posto decidiuse nos últimos metros.

Bermeo Urdaibai vence na primeira xornada da Zarauzko XLVII Ikurriña, chegando con 5 segundos de vantaxe a respecto dos seus rivais. No cuarto longo a loita entre os bermeáns e os donostiarras estivo moi axustada, pero a ‘Bou Bizkaia’ aproveitou unha onda a favor nos últimos metros e pararon antes o crono. Por último, o terceiro e cuarto posto foi para Hondarribia e Zierbena, que finalizaron 12 e 15 segundos máis tarde, respectivamente.

Urdaibai segue na primeira posición na Liga Eusko Label con 173 puntos, e Zierbena ten 154. No referido ao terceiro e cuarto posto, Donostiarra ten 139 e Hondarribia 5 puntos menos.

Arraun Lagunak segue invicta a falta dunha xornada

Arraun Lagunak segue invicta na Liga Euskotren, a falta dunha xornada. Hondarribia, quen competiu na primeira quenda, foron primeiras en chegaren á ceavoga, pero no segundo longo as líderes aumentaron a distancia a respecto das súas rivais e remataron primeiras, nun tempo de 11:12.72. Orio foi a segunda con 8 segundos de retraso, e as verdes remataron a regata na terceira posición, parando o crono nun tempo de 11:14. Finalmente, Donostiarra conquistou a cuarta praza, chegando 15 segundos máis tarde que as preparadas por Etxabe.

Na Liga Euskotren, Arraun Lagunak conta con 120 puntos, Orio con 89, Tolosaldea con 88 e Donostiarra con 86.

Voltar