SAMERTOLAMEU FANDICOSTA

Historia

Patrocinadores do club
  • Fandicosta
  • Oversea
  • Frigalsa
  • Comunidad de Montes de Meira
  • GASOLEOS DEL MORRAZO SANCHILAN
  • Concello de Moaña
  • Deputación de Pontevedra
  • Deporte Galego
  • Xunta Galicia
  • Abanca

A SD Samertolameu fundouse no 1979, practicando daquela como deporte principal o remo, ademais de fútbol e atletismo. Fundouse para dar  continuidade a todos os remeiros da vila de Meira que tantos éxitos lograron como Educación e Descanso de Moaña.

No comezo desta nova etapa, a afección acolleu esta SD con grande entusiasmo, índose no referente principal de Galiza. Foi o primeiro club galego en acadar un terceiro posto na prestixiosa Bandeira da Concha.

Nas vitrinas do Local Social gárdanse as 336 bandeiras conseguidas en bateis, traiñeiriñas e traiñeiras, ademais dun subcampionato mundial e seis campionatos de España de banco móbil.

Mais para alén dos títulos deportivos, a SD orgúllase do seu labor formador. Da súa canteira saíron importantes deportistas e adestradores que contribuíron a elevar este deporte  a altas cotas.

A SD Samertolameu está consolidada e recoñecida a nivel galego e estatal; en 2014 gañamos a Liga LGT e o playoff que daba dereito a poder vogar no 2015 na Liga San Miguel.

Porén sempre nos propomos novos retos, procurando constantemente evolucionar. Estes obxectivos a curto prazo pasan por se manter o primeiro equipo na máxima categoría: a Liga San Miguel. Formar deportistas con vistas a que dean o salto ao primeiro plantel e seguir co traballo das categorías inferiores.