Albisteak 2017
BEREZIAK
20 Abu 2017
Euskotren Ligako tronoa San Juanen da
Udalerri gipuzkoarreko biztanleak kalera irten dira San Juan Iberdrolaren denboraldi arrakastatsua ospatzeko
Laugarrena da jarraian, eta badirudi San Juaneko bizilagunak gustua hartu diotela euren ‘Bateleren’ garaipenak ospatzeari. Denboraldi izugarri baten ondoren, non Euskotren Ligan ospatu diren zortzi estropadetatik zazpi irabazi dituzten, San Juan Iberdrolak txapelketako garaile bezela izendatzen dituen Euskotren Koroa bereganatu du berriro ere.
Klub arroxeko zaletuak kalera irten dira bere arraunlariei Zarautzetik bueltan harrera egiteko, nondik Zarauzko IX. Ikurriña eta Euskotren Koroa ekarri dituzten. Herriko kaleetatik kalejira bat egin ondoren, ‘Batelerak’ San Juaneko Udaletxe zaharreko balkoira irten dira, Euskotren Ligako liderraren CaixaBank mailotarekin jantziak denak, bi garaikur hauek eta denboraldian zehar eskuraturiko beste banderak, beren zaletuei eskaintzeko.