LEHIAKETA

27 Abu 2023

Bermeo, traineru onena Getarian

Bou Bizkaiako tripulazioak irabazi du XIV. Getariako Ikurrina, euria eta haizea protagonista gisa izan dituen estropada batean.

Bermeo Urdaibaik errepikatu du garaipena Getariako uretan. Euriagatik eta haizeteagatik jardunaldiaren hasiera minutu batzuz atzeratu behar izan bada ere, hirugarren txandarako eguraldiak hobera egin du, eta Bou Bizkaiak ezarri du helmugan denborarik onena: 21:51.

Zierbena Bahías de Bizkaia, azken luzeraino txandako buruan mantendu den arren, estropada eremua zeharkatzen bigarren trainerurik azkarrena izan da, Eusko Label Ligako liderrarengandik lau segundora. Amenabar Donostiarra Ur Kirolak izan da jardunaldiko hirugarrena, eta Kaiku Berez Galantak denboraldiko markarik onena errepikatu du, jardunaldiko laugarren sailkatua. Hondarribia bosgarren izan da, sailkapen nagusian lau puntu utzita.

Eusko Label Ligako sailkapen orokorrari begira, Bermeok lehen postua sendotu du eta asteburuaren hasiera Hondarribiarekin zuen bederatzi puntuko abantaila berreskuratu du. Beheko aldean, SD Samertolameu Fandicostaren jaitsieraren ondoren, Itsasoko Ama Santurtzik bere jarraipena defendatu beharko du Bermeo eta Portugaleteko play offetan. Bestalde, Ondarroa Cikautxok eta Kaiku Berez Galantak denboraldia amaitu dute, hurrengo denboraldian Eusko Label Ligan jarraituko dutela jakinda.

Itzuli