LEHIAKETA

22 Abu 2023

CaixaBank Azken Luzea: Zarautz

Asteburuko patroi nabarmenenek hitz egin dute

Asteburu honetako Zarauzko Ikurrinaren jardunaldi bikoitzaren ondoren, Euskotren Liga amaitu da, bi irabazlerekin: Donostia Arraun Lagunak, Euskotren Ligako txapeldun gisa, eta Nerea Perez, EITB Sariko Patroi Onenaren txapeldun gisa. Eusko Label Ligan, Bermeo Urdaibai izan da asteburuko indartsuena.

Bermeo Urdaibairen garaipen bikoitzari esker, Zarauzko XLVI. Ikurriña eskuratzeaz gain, Eusko Label Ligako sailkapenean bederatzi puntuko errenta lortzeko ere balio dio. Honenbestez, lau jardunaldiren faltan errenta polita dauka Bou Bizkaiak.

Emakumezkoen lehiaketan, Donostia Arraun Lagunaken larunbateko garaipenari eta abantailari esker Zarauzko Ikurriña irabazi zuen lehen aldiz, Nortindal Donostiarra Ur Kirolaki hiru segundoko aldea aterata. Horrela, Lugañenek Euskotren Liga bigarren aldiz irabaztea lortu du, 2021. denboraldian lortutakoaren ondoren.

Patroien lanari dagokionez, Zarauzko itsas zabaleko estropada-eremuak aparteko lana eskatu zien patroi guztiei. Gizonezkoen sailkapenean Gorka Aranberrik CaixaBank Patroi Onenaren sailkapeneko aldea handitu du eta, eta Bermeoko patroia bere lehen titulu pertsonala lortzeko bidean da. Zarauztarrak 117 puntu ditu eta Ioseba Amunarriz bigarren sailkatuak 99 puntu. Denboraldi honetako araudia aldatu ondoren, sailkapen hau Getariako jardunaldiarekin amaituko da, bertan hamabi taldeek batera jokatuko baitute azken jardunaldia.

Patroi Onenaren EITB SARIAko sailkapenari dagokionez, Nerea Perez, Nortindal Donostiarra Ur Kirolak-eko patroiak, azken jardunaldian irauli du sailkapena, non Miren Garmendiak zuen lau puntuko abantaila murriztuz. Bantxako patroiak, sailkapen honetan lortutako garaipen kopuruari esker ipini da lidertzan, izan ere, Hondarribiko Bertako Igogailuak taldeko patroiarekin 69 punturekin berdindurik amaitu baitute.
 

Itzuli