Albisteak 2024
LEHIAKETA
14 Ira 2024
Erakustaldia eman du Bermeo Urdaibaik etxean eta 13. bandera poltsikoratu du
Gaurko garaipenarekin Castrok eta Hondarribiak zuten banderen errekorra berdindu du Gorka Aranberrik gidatutako traineruak.
Erakustaldia eman du Bermeo Urdaibaik etxean eta Eusko Label Ligako 13. bandera poltsikoratu du. 'Bou Bizkaia'-k 20:29.26ko denboran amaitu du gaurko estropada, bigarren postuan gelditu den Zierbenari 21 segundu aterata. Hirugarren Donostiarra ailegatu da, 25 segundoko atzerapenarekin eta laugarrenak hondarribiarrak izan dira, kronoa 21:04.98ko denboran geldituta.
Gaurko garaipenarekin Castrok 2009an eta Hondarribiak 2015ean ezarritako banderen errekorra berdindu du Gorka Aranberrik gidatutako traineruak.
Eusko Label Ligako sailkapenari dagokionez, biharko jardunaldiaren faltan, 215 puntu ditu Bermeo Urdaibaik, 188 Zierbenak, 179 Donostiarrak, eta 164 Oriok.