Novas 2017
ESPECIAL
31 Mai 2017
"Gustaríanos loitar pola Coroa CaixaBank"
Mikel Orbañanos, adestrador de Hondarribia, transmítenos as intencións da ‘Ama Guadalupekoa’ para esta tempada
Hoxe é mércores e polo tanto, chega o momento de sabermos un pouco máis dos equipos que participarán este ano na Eusko Label Liga. Hoxe é a quenda para Mikel Orbañanos, adestrador de Hondarribia, para que nos conte cal é a súa visión desta nova tempada na que a ‘Ama Guadalupekoa’ loitará por voltar ao primeiro posto da clasificación tras non daren conseguido a Coroa CaixaBank a tempada pasada.
Orbañanos ten claro que “non será doado igualar o nivel dado en anos anteriores”, xa que o rendemento mostrado as últimas tempadas foi moi alto. “Vendo como se reforzaron os clubs, haberá candidatos para estar arriba na clasificación”, loitando pola Coroa CaixaBank, recoñece Orbañanos. Ao ser preguntado polos obxectivo para esta tempada o adestrador guipuscoano teno claro, “gustaríanos, sen dúbida, loitar pola Coroa CaixaBank”.