Novas 2024
ASOCIACION
14 Dec 2024
Co ollar xa posto no ano 2025
A derradeira asemblea do ano serviu para debater arredor de varios aspectos ligados coas normativas das dúas competicións, así como cos aspectos económicos e de xestión da Asociación.
Esta mañá decorreu a derradeira asemblea ordinaria da Asociación de Clubs de Traiñeiras no 2024. Os clubs repasaron nela os aspectos ligados coa economía e a administración do 2024.
Ademais, os clubs socios debateron diferentes mudanzas das normativas vixentes tales como o manual de organización, o regulamento disciplinario ou os estatutos. Todas as mudanzas entrarán en vigor xa no ano 2025.
Do mesmo xeito, a ocasión foi aproveitada para seguir a avanzar no deseño do que será o calendario deportivo para 2025 de ambas ligas.
Por último, a asociación aprobou a prórroga do Convenio de Colaboración que mantén coa ALN (Asociación Liga Noroeste) prolongando así a súa vixencia até o 31 de decembro do ano 2025.