Novas 2024
COMPETICION
14 Set 2024
Bo comezo de Astillero e Zumaia na primeira xornada do play off
As azuis remataron a regata 12 centésimas antes que Zumaia e sumaron 4 puntos.
Astillero tivo un bo comezo na primeira xornada do play off, en augas de Bermeo. Malia o mellor tempo na ceavoga ter sido o de Zumaia, Astillero fixo un segundo longo moi rápido e levou os 4 primeiros puntos da primeira xornada do play off. Zumaia parou o crono 12 centésimas máis tarde que as azuis e finalizou no segundo posto. Chapela e Cabo da Cruz foron as terceiras e as cuartas clasificadas: con 14 e 25 segundos de retraso, respectivamente.
A falta da xornada de mañá, Astillero suma 4 puntos, Zumaia 3, Chapela 2 e Cabo da Cruz 1.
Ares adiántase no play off
Ares púxose por diante na primeira xornada do play off, desputada en augas de Bermeo. Os campións pararon o crono nun tempo de 21:35.58, seguido de San Juan, que chegou cun segundo de diferenza. Estas traiñeiras obtiveron 5 e 4 puntos hoxe respectivamente e remataron a regata con grande vantaxe a respecto das súas contrincantes: Itsasoko Ama foi terceira con 49 segundos de retraso, San Pedro chegou na cuarta posición 54 segundos máis tarde e os remeiros de Chapela finalizaron a regata nun tempo de 23:01.22.
Polo tanto, Ares ten 5 puntos no play off, San Juan 4, Itsasoko Ama 3, San Pedro 2 e Chapela un.