LEHIAKETA

14 Ira 2024

Hasiera ona eman diote Astillerok eta Zumaiak play offaren lehen jardunaldiari

Urdiñak Zumaia baino 12 ehunen lehenago helmugaratu dira eta 4 puntu poltsikoratu dituzte.

Hasiera ona eman dio Astillerok play offaren lehen jardunaldiari, Bermeoko uretan. Ziabogan denbora onena Zumaiarena izan den arren, Astillerok egin du bigarren luze azkarrena eta haiek eskuratu dituzte play offeko lehen 4 puntuak. Zumaiak urdinak baino 12 ehunen beranduago gelditu du kronoa eta harentzat izan da bigarren postua. Chapela eta Cabo da Cruz izan dira hirugarren eta laugarren sailkatuak: 14 eta 25 segundoko atzerapenarekin ailegatuz, hurrenez hurren.

Gauzak hala eta biharko jardunaldiaren faltan, 4 puntu ditu Astillerok, 3 Zumaiak, 2 Chapelak eta puntu bakarra Cabo da Cruzek.

Aresek hartu du aurrera play offean

Aresek hartu du aurrea Bermeon jokatutako play offean, lehia ezin estuago batean. Garaileek 21:35.58ko denboran gelditu dute kronoa, San Juanek baino segundu bat bizkorrago, eta 5 eta 4 puntu erdietsi dituzte, hurrenez hurren. Gainontzeko traineruei alde handia atera diete lehen bi sailkatuek: Itsasoko Ama izan da hirugarrena 49 segundoko atzerapenarekin; San pedro ailegatu da laugarren 54 segundo beranduago; eta Chapelako arruanlariek, berriz, 23:01.22ko denboran amaitu dituzte lanak.

Play offeko puntuetan hortaz, Aresek 5 ditu, San Juanek 4, Itsasoko Amak 3, San pedrok  2 eta Chapelak bakarra.

Itzuli