Novas 2024
COMPETICION
01 Ago 2024
O domingo desputaranse as Bandeiras Orioko Kanpina
No domingo 4 de agosto desputarase en Orio a 12ª xornada da Liga Eusko Label e da Liga Euskotren, a XII Bandeira Orio Kanpina. O campo de regatas será o mesmo que no ano pasado: partirá por diante da barra exterior de Orio cara Mollarri.
A proba feminina da Liga Euskotren arrancará ás 11:25 horas coa participación de oito traiñeiras: Orio Orialki, Donostia Arraun Lagunak, Nortindal Donostiarra, Tolosaldea Arraun Kluba, Hondarribia Bertako Igogailuak, Hibaika Jamones Ancin, CR Cabo da Cruz e SD Tirán Pereira. Terán que percorrer 1,5 millas náuticas, o que quere dicir, 2.778 metros, divididos en dous longos e con unha soa ceavoga.
Despois, ás 12:15 horas, desputarase a proba masculina da Liga Eusko Label, a XII Bandeira Camping Orio. Deberán percorrer tres millas mariñas (5.556 metros) de distancia, divididos en catro longos e con tres ceavogas. As doce traiñeiras estarán en tres quendas: Bermeo Urdaibai, Zierbena Bahias de Bizkaia, Orsa Hondarribia, Orio Orialki, Amenabar Donostia, Getaria, Ondarroa Kide, CR Cabo Da Cruz, Lekittarra Elecnor, Kaiku Beraz Galanta, San Pedro- Harri e C.M. Bueu-Simei.
A Fan Zone instalarase na Herriko Plaza. Ademais de comer produtos de Eusko Label e beber cervexa Keler, instalarase unha pantalla xigante na que se poderá ver a regata.