LEHIAKETA

14 Uzt 2024

Record berria ezarri du Arraun Lagunakek III. Sestaoko Udala Banderan

Seigarren garaipena dute jarraian Donostiako neskek.

Record berria ezarri du Arraun Lagunakek III. Sestaoko Udala Banderan, 10:22,26ko denboran helmugaratuta. Bigarren posturako lehia estua izan da Orio eta Donostiarraren artean, eta azkenean oriotarrak izan dira garaile: 10:31,24ko denboran gelditu dute kronoa, eta Donostiarrak berriz 10:31,40ean. Laugarren postua gaur ohorezko txandan estreinua izan duen Hondarribiarentzat izan da, liderrak baina 16 segundu gehiago behar izan dituzte berdeek estropada osatzeko, baina tolosarrak baino azkarragoa izan dira.

Euskotren Ligan Arraun Lagunakek 48 puntu ditu, Oriok 37, Tolosaldeak 35 eta Donostiarrak 33.

Bermeo Urdaibairentzat izan da XXIII. Sestaoko Udala Bandera

Bermeo Urdaibairentzat izan da XXIII. Sestaoko Udala bandera, estropada biziki estuan. Gorka Aranberri lemazain izan duen taldeak 19:55,79ko denboran amaitu ditu lanak, eta bi segundu geroago ailegatu dira Zierbena eta Hondarribia: 19:58,09 eta 19:58,31 denboretan, hurrenez hurren.  Oriotarrak izan dira laugarrenak gaur, 19:36ko atzerapenarekin gelditu dute kronoa.

Gauzak hala, Bermeo Urdaibairena da sailkapen orokorreko lehen postua, 71 punturekin. Zierbena da bigarren 64rekin, Hondarribia hirugarren 59rekin eta Orio laugarren 55ekin.

Itzuli