Novas 2024
COMPETICION
18 Ago 2024
Arraun Lagunak, campioa da Liga Euskotren
A traiñeira liderada por Andrea Astudillo, gañou as 15 bandeiras que estaban en xogo na liga.
Arraun Lagunak é a campioa da Liga Euskotren 2024. Tolosaldea foi a máis rápida na segunda xornada de Zarautz, mais a traiñeira ‘Lugañene’ aproveitou a renda da regata de onte, e finalmente conquistou a liga e o seu décimo quinto triunfo.
Sumados os tempos das dúas xornadas, esta é a clasificación da XVI. Zarauzko Ikurriña: Arraun Lagunak finalizou nun tempo de 22:30.94, Tolosaldea necesitou máis 16.58 segundos, Donostiarra máis 17.28 e Orio parou o crono con 19.20 de retraso.
Arraun Lagunak finaliza a Liga Euskotren con 127 puntos; Tolosaldea é a subcampioa deste ano con 96, Orio rematou terceira con 94 e a cuarta praza foi para a Donostiarra con 92.
A Donostiarra leva a Ikurriña de Zarautz
Donostiarra gañou na Ikurriña de Zarautz e leva a súa primeira vitoria na Liga Eusko Label 2024. Sumando os tempos das dúas xornadas desta fin de semana, a traiñeira ‘Torrekua II’ necesitou un tempo de 41:01.80, 2.20 segundos menos que o atual líder Bermeo Urdaibai. Os mozos dirixidos por Gorka Aranberri puxeron en apuros á donostiarra, pero a vantaxe lograda polo equipo vencedor na última onda, decidiu finalmente a Ikurriña. O terceiro e cuarto posto foron para Hondarribia e Zierbena: Os verdes remataron nun tempo de 41:30:12 e Zierbena en 41:52.96.
Só restan catro xornadas para que finalice a Liga Eusko Label e as cousas están así: Bermeo Urdaibai suma 184 puntos, Zierbena 160, Donostiarra 151 e Hondarribia 144.